Իլոն Մասկին աջակցող ներդրողները «անսպասելի» շահույթ կստանան. FT

Ներդրողները, որոնք երկու տարի առաջ կորուստներ էին կրել Իլոն Մասկի կողմից 44 միլիարդ դոլարով X (նախկինում Twitter) սոցիալական ցանցի ձեռքբերումից հետո, սկսել են «անսպասելի» շահույթ ստանալ արհեստական բնականության (AI) ոլորտում նրա ստարտափի՝ xAI-ի բաժնետոմսերից: Այս մասին հայտնում է Financial Times թերթը։

Ըստ FT-ի՝ ֆինանսիստները, աշխարհի ամենահարուստ գործարարի հավատարիմ կողմնակիցները, պատրաստվում են «հսկայական եկամուտներ ստանալ ստարտափի շուկայական արժեքի կտրուկ աճից, որը կհասնի 50 մլրդ դոլարի»։

Մաքսը «Twitter-ի ձեռքբերմանն աջակցող» ներդրողներին փոխանցել է xAI ընկերության բաժնետոմսերի 25 տոկոսը, որը միլիարդատերը հիմնել էր 2023 թվականին՝ OpenAI-ի ու Anthropic-ի հետ մրցելու համար:

Մասկի երկու ձեռնարկությունների ներդրողների թվում են ամերիկյան Fidelity Investments հոլդինգային ընկերությունը, Oracle ամերիկյան կորպորացիայի համահիմնադիր Լարի Էլիսոնը, սաուդյան արքայազն Վալիդ բեն Թալյալ Ալ Սաուդը, Twitter-ի հիմնադիր Ջեք Դորսին և Սիլիկոնյան հովտի Sequoia Capital-ն ու Andreessen Horowitz վենչուրային ընկերությունները: