Վերանորոգվել է 14-րդ դարում կառուցված Զորաց եկեղեցին
Նմանատիպ
«Խորան» աջակցման և բարեգործական հիմնադրամի նախաձեռնությամբ ընթանում են Վայոց Ձորում գտնվող Զորաց եկեղեցու ամրակայման և տանիքածածկի վերանորոգման շինարարական աշխատանքները։ Ծրագիրն իրականացվում է ՀՀ ԿԳՄՍ նախարարության հուշարձանների պահպանության վարչության հետ համագործակցության շրջանակներում:
Զորաց կամ Սուրբ Ստեփանոս եկեղեցին գտնվում է Հայաստանի Վայոց Ձորի մարզի Եղեգիս գյուղում, այն կառուցվել է Օրբելյան իշխանների կողմից՝ 1303 թվականին։ Ըստ ուսումնասիրությունների, եկեղեցին զինվորական է եղել։ Մարտի մեկնելուց առաջ զինվորներն այստեղ երդում են տվել և օրհնություն ստացել, այդ պատճառով էլ եկեղեցին ստացել է Զորաց անունը։
Եկեղեցին բաց խորան է, եռակամար է՝ երկու սյուներով, երկու կից ավանդատներով, դրսից ուղղանկյուն հորինվածքով։ Երեք մասի բաժանված՝ միակ արևելյան բեմով եկեղեցին է։ Զորաց եկեղեցու խորանի բարձրությունը հավասար է ձիու վրա նստած մարդու բարձրությանը, որպեսզի զինվորները անհրաժեշտության դեպքում առանց ձիուց իջնելու հաղորդություն ստանային և գնային մարտի։
Ճարտարապետ Աշոտ Մանասյանը ում վստահված են եկեղեցու ամրաշինական աշխատանքները փորձել է իր ղեկավարած թիմի հետ համատեղ հնարավորինս պահպանելեկեղեցու հին ճարտարապետական կառուցվածքը՝ որոշ դեպքերում առաջարկելով նոր լուծումներ։
Մանրամասները՝ տեսանյութում.
