Լոռու մարզը կհարստանա Մանթաշյանական «Նուրի» հյուրանոցային համալիրով
Նմանատիպ
«Մանթաշյանց» գործարարների ակումբում մեծ իրադարձություն է, առաջին անգամ միայն ակումբական գործարարները նախաձեռնել են համատեղ բիզնես։ Այն է` Լոռվա Դեբեդ գուղում կառուցել բազմաֆունկցիոնալ հյուրանոցային համալիր։
Տեղի ունեցավ Նոր հյուրանոցային համալիրի հիմնարկեքի արարողությունը, որին ներկա էին Մանթաշյանական բազմաթիվ գործարարներ, Ակումբի հիմնադիր նախագահ Վահրամ Միրաքյանը, Լոռւ մարզպետ Արամ Ղազարյանը և այլք։
Հյուրանոցը կրելու է «Նուրի» անունը, որը հայ դիցաբանության մեջ եղել է ջուրն անձնավորող ոգի։ Հին ավանդույթի համաձայն, ամեն տարի երաշտի ժամանակ երեխաները Նուրի տիկնիկներ են պատրաստել և ծես կատարել, որպեսզի անձրև գա և ջրի չորացած դաշտերն ու այգիները։ Քանի որ Նուրին ջրի և անձրևի խորհրդանիշն է, հետևաբար նախատեսվում է դիզայներական լուծումներում այս սիմվոլիկան պահպանել։
Հյուրանոցային համալիրի կառուցումը ներդրումային ծրագիր է, որին մասնակցում են մանթաշյանական գործարարները։ Հյուրանոցը գտնվում է Երևանի և Թիֆլիսի կարել է ասել ուղիղ կենտրոնում, յուրաքանչյուրից 140 կմ հեռավորության վրա։ Այն Լոռվա մարզի ամենամեծ հյուրանոցը կլինի՝ բաղկացած 38 սենյակից, նախատեսվում է կառուցել ռեստորան, ժամանցի համար տարածքներ, սպա կենտրոն և համաժողովների սրահներ։
Մանրամասները՝ տեսանյութում.
