Մեր մարտիկները կանխեցին Թուրքիայի կողմից աջակցվող խմբավորումների առաջխաղացումը․ Քուրդ հրամանատար
12/12/2024 20:46
Նմանատիպ
Սիրիայի դեմոկրատական ուժերի գլխավոր քուրդ հրամանատար Մազլում Քոբանին հայտնել է, որ քրդական ուժերը կարողացել են կանխել Թուրքիայի կողմից հովանավորվող խմբավորումների առաջխաղացումը դեպի Քոբանի: Այս մասին հայտնում է Ermenihaber.am-ը։
«Մեր մարտիկները Քոբանիի գյուղերում հերոսական դիմադրություն ցույց տվեցին և կանխեցին Թուրքիայի կողմից աջակցվող խմբավորումների՝ դեպի Քոբանի առաջխաղացման փորձերը»,- նշել է նա։
Հիշեցնենք, որ Սիրիայում տեղի ունեցած հայտնի իրադարձությունների ֆոնին Թուրքիայի կողմից հովանավորվող խմբավորումները վերահսկողություն են սահմանել Սիրիայի Մանբիչ շրջանի 80 տոկոսի նկատմամբ։ Այդ տարածքները նախկինում քրդական ուժերի վերահսկողության տակ էին: Ըստ տեղեկությունների՝ հրադադարը հաստատվել է ԱՄՆ-ի միջնորդությամբ:
Հետևեք մեզ նաև Telegram-ում