Հետաքննությունը վերսկսվել է Մասկի Neuralink ընկերության դեմ, որը չիպեր է մշակում մարդու ուղեղի մեջ տեղադրելու համար․ ՏԱՍՍ

ԱՄՆ կարգավորիչը հետաքննություն է սկսել Մասկի Neuralink ընկերության դեմ։ Արժեթղթերի և բորսաների հանձնաժողովը պահանջել է համաձայնել դրամական վճարմանը, հակառակ դեպքում Իլոն Մասկը «կկանգնի մեղադրանքների առջև»։ Այս մասին գործարարը հայտնել է X-ում։

Համաձայն X-ում Մասկի հրապարակած փաստաբանի նամակի՝ հանձնաժողովը պահանջել է դրամական վճարում կատարել, հակառակ դեպքում նա կկանգնի մեղադրանքների առջև, սակայն փաստաբանը չի հստակեցրել, թե ինչ մեղադրանքների մասին է խոսքը։

Neurolink ստարտափը ստեղծել է Մասկը 2016 թվականի հուլիսին։ Այն զբաղվում է չիպերի մշակմամբ, որոնք ապագայում հնարավոր կլինի ներդնել մարդու ուղեղում: Գործարարը կարծում է, որ նման նեյրոինտերֆեյսերը թույլ կտան մարդուն դառնալ կիբորգ և կկարողանան դիմակայել արհեստական բանականությանը, ինչպես նաև կօգնեն մարդկանց սովորել կառավարել համակարգիչը մտքի ուժի օգնությամբ:

2023 թվականի մայիսի 25-ին Neurolink ընկերությունը հայտնել էր, որ ԱՄՆ Առողջապահության նախարարության սննդամթերքի և դեղերի որակի վերահսկման վարչությունից ստացել է մարդու վրա կլինիկական փորձարկումներ անցկացնելու թույլտվություն։