Ներկայացվել է Android 16-ի երկրորդ բետա տարբերակը

Google-ը ներկայացրել է Android 16 օպերացիոն համակարգի երկրորդ բետա տարբերակը: Այս մասին ասվում է Android-ի բլոգում։

Ըստ բլոգում տեղադրված տեղեկությունների՝ Google-ը նոյեմբերի վերջին ներկայացրել է Android 16-ի օպերացիոն համակարգի առաջին բետա տարբերակը, իսկ նոր տարբերակը կթողարկվի սովորականից շուտ՝ 2025 թվականի տարվա կեսին։

Համակարգի նախնական տարբերակը թողարկվել է ոչ թե օգտատերերի, այլ մասնագետների՝ developers-ի համար։ Նշվում է, որ հավելվածների և ծառայությունների ստեղծողներն իրենց արտադրանքի աշխատանքը կկարողանան փորձարկել Android-ի նոր տարբերակում։ Google-ում ընդգծել են, որ մասնագետներից հարցեր ու արձագանքներ են ակնկալում։

Android 16-ի լիարժեք բետա ծրագիրը կմեկնարկի 2025 թվականի հունվարին: Համակարգի երկրորդ նախնական տարբերակը հնարավոր կլինի տեղադրել Google Pixel 6 և նոր սմարթֆոնների մեջ, ինչպես նաև Google Pixel պլանշետների վրա:

Google-ում ընդգծել են, որ բարձրացրել են օպերացիոն համակարգի անվտանգությունը։ Մասնավորապես, սմարթֆոններում Wi-Fi 6-ի հետ կաշխատեն տեղորոշումից (locations) պաշտպանության նոր մեխանիզմներ: