Կոռուպցիոն բացահայտումները շարունակվում են․ «Հրապարակ»
Նմանատիպ
«Հրապարակ» օրաթերթը գրում է․ ՔՊ-ական պատգամավոր Նարեկ Ղահրամանյանը եւս հայտնվել է կուսակցական մամլիչ ուշադրության կենտրոնում` այն բանից հետո, երբ կուսակտիվի վերջին նիստերից մեկի ժամանակ, առիթը բաց չթողնելով, խոսել է Զանգեզուրի պղնձամոլիբդենային կոմբինատում ՀՀ կառավարության ներկայացուցիչ, ՔՊ-ական Նարեկ Բաբայանի արագ հարստանալու մասին, ներկայացրել է Բաբայանի հետ կապված բոլոր ասեկոսեները։ Թիմում կարծում են, որ Ղահրամանյանը «բոչկա է գլորում» Նարեկ Բաբայանի վրա, քանի որ իր կապերն օգտագործելով՝ փորձում է այդ փողոտ պաշտոնում տեղավորել հարազատ եղբորը՝ այժմ գործազուրկ Տիրայր Ղահրամանյանին, որը մասնագիտությամբ հաշվապահ է։
Սակայն ՔՊ-ում կարծում են, որ Ղահրամանյանն էլ «հրեշտակ» չէ: Օրինակ, նրա դաշնակցական հորեղբոր՝ Գագիկ Ղահրամանյանի կինը` Արուս Միրզոյանը, ղեկավարում է Կապանի թիվ 9 ավագ դպրոցը, չնայած ՔՊ-ում կարծում են, որ ՀՅԴ-ական ամուսին ունեցողը չպետք է պաշտոն զբաղեցնի։
Մանրամասները՝ «Հրապարակ» օրաթերթի այսօրվա համարում:
Հետևեք մեզ նաև Telegram-ում