Հենրիխ Մխիթարյանը ամանորյա ուղերձով դիմել է հայ ժողովրդին

Միլանի «Ինտերի» կիսապաշտպան և Հայաստանի ազգային հավաքականի նախկին ավագ Հենրիխ Մխիթարյանը ամանորյա ուղերձով դիմել է հայ ժողովդին։

«Սիրելի բարեկամներ, թող այս նոր տարին ձեզ բերի անսահման ուրախություն և հաջողություններ, ձեր բոլոր նպատակների իրականացում և առողջություն: Մաղթում եմ ձեզ և ձեր ընտանիքներին հիշարժան 2025 թվական:

Իմ հայրենակիցներին, մաղթում եմ խաղաղության և վերածննդի տարի մեր հայրենիքի համար: Հույս ունեմ, որ այս տարի մենք ականատես կլինենք մեր հայ գերիների ազատմանը, որոնք անօրինական կերպով պահվում են հարևան երկրի բանտերում: Մաղթում եմ մեզ համերաշխություն և միասնություն, քրտնաջան աշխատանք և ստեղծարարություն: Թող մեր հերոսների հոգիները պաշտպանեն մեր սուրբ հողը: Թող ձեր բոլոր երազանքները իրականություն դառնան:

Շնորհավոր նոր տարի, շնորհավոր 2025 թվական»,- գրել է Մխիթարյանը։

Ընթացիկ մրցաշրջանում 35-ամյա խաղացողը «ներաձուրիի» կազմում մասնակցել է 22 հանդիպման՝ դառնալով 1 գոլի և 4 գոլային փոխանցման հեղինակ։