Ռուբեն Վարդանյանի և Արայիկ Հարությունյանի գործերով դատավարությունը Բաքվում կսկսվի հունվարի 17-ին
06/01/2025 17:13
Նմանատիպ
Ադրբեջանի կողմից առևանգված և Բաքվի բանտերում ապօրինի պահվող Արցախի նախկին նախագահ Արայիկ Հարությունյանի և նախկին պետնախարար Ռուբեն Վարդանյանի գործերով դատավարությունը կսկսվի հունվարի 17-ին։ Այս մասին հայտնում են ադրբեջանական լրատվամիջոցները:
Հիշեցնենք, որ Ադրբեջանի գլխավոր դատախազությունը քրեական գործեր է հարուցել Արցախի նախկին ռազմաքաղաքական ղեկավարների նկատմամբ:
2023 թվականի սեպտեմբերին Արցախի նկատմամբ Ադրբեջանի ռազմական ագրեսիայի արդյունքում վերջիններս առևանգվել և այժմ ապօրինի պահվում են Բաքվի բանտերում։
Նրանց մեղադրանք է առաջադրվել «ահաբեկչության, ահաբեկչության ֆինանսավորման, օրենքով չնախատեսված զինված կազմավորումներ ու խմբավորումներ ստեղծելու, ահաբեկչության նպատակով վարժանքներ անցկացնելու» համար։
Հետևեք մեզ նաև Telegram-ում