Ինչո՞ւ են մարզիկները զանգվածաբար հետ վերադարձնում Փարիզի օլիմպիական խաղերի մեդալները

Փարիզում կայացած Օլիմպիական խաղերի մրցանակակիրները վերադարձրել են ավելի քան հարյուր մեդալ, որոնք սկսել են փչանալ։ Մեկ մարզիկ անգամ բնութագրել է դեֆեկտով մեդալը այնպես, կարծես այն «պատերազմ է անցել»։

Մարզիկները դեռևս 2024 թվականի օգոստոսին են սկսել բողոքել, որ մեդալների վրայից ծածկույթն սկսել է քերվել, իսկ մակերեսին ճաքեր են առաջացել, հայտնում է La Lettre-ը։ Ըստ պարբերականի, Փարիզի դրամահատարանի գլխավոր տնօրեն Մարկ Շվարցն արդեն աշխատանքից ազատել է մեդալների արտադրության համար պատասխանատու երեք աշխատակցի։ La Lettre-ը նաև պարզել է, որ դրամահատարանն ունեցել է լաքի որակի հետ կապված խնդիրներ նույնիսկ Օլիմպիական խաղերից առաջ։ Ներկայումս դրամահատարանն աշխատում է այդ խնդրի լուծման ուղղությամբ։

Միջազգային օլիմպիական կոմիտեն (ՄՕԿ) պարբերականին հայտնել է, որ բոլոր մեդալները կփոխարինվեն առաջիկա շաբաթների ընթացքում, սակայն հստակ ժամկետներ չի նշել։