2025 թվականին Մասկի կարողությունն առաջին անգամ նվազել է 400 մլրդ դոլարից

Իլոն Մասկի կարողությունը նվազել է։ 2025 թվականին առաջին անգամ 400 մլրդ դոլարից պակասել է, քանի որ Tesla ընկերության բաժնետոմսերի գները զգալի նվազել են։ Այս մասին հայտնում է Bloomberg գործակալությունը։

Bloomberg-ի տեղեկություններով՝ դեկտեմբերի կեսերին ավտոարտադրողի բաժնետոմսերի արժեքը պատմական առավելագույնին էր հասնել, որից հետո նվազել է 27%: Կտրուկ անկումը հատկապես նկատվել է անցյալ շաբաթ։

Գերմանիայում մեքենաների մատակարարումները նվազել են 59%-ով, սա հակառեկորդ է 2021 թվականից ի վեր։ Նախորդ տարվա համեմատ Չինաստանում վաճառքը նվազել է 11,5%-ով։ Փետրվարի 10-ին Tesla-ի բաժնետոմսերի գինը չորրորդ օրն անընդմեջ ընկել է ՝ կորցնելով 3% , իսկ մեկ արժեթուղթը հասնելով 350,73 դոլարի մակարդակի:

Գործակալությունը նշում է, որ Tesla-ի բաժնետոմսերն ու օպցիոնները դեկտեմբերին կազմել են Մասկի կարողության ավելի քան 60%-ը։ Ընդ որում, ԱՄՆ նախագահ Դոնալդ Թրամփի երդմնակալությունից հետո միլիարդատերը սկսել է «իր ուշադրության մեծ մասը» հատկացնել ոչ թե բիզնեսին, այլ քաղաքականությանը, այդ թվում՝ կառավարության արդյունավետության բարձրացման գերատեսչության (DOGE) ղեկավարմանը:

Bloomberg-ը գրում է, որ ամերիկյան նոր առաջնորդին Մասկի մոտ լինելը, ներդրողների հույսերն առ այն, որ ԱՄՆ վարչակազմը կաջակցի Tesla-ին հարկային քաղաքականության փոփոխության և անօդաչու վարման տեխնոլոգիաների ստանդարտների պարզեցմանը, դեռևս չեն արդարացվում:

2024 թվականի դեկտեմբերի 11-ին Bloomberg-ը հայտնել էր, որ Մասկը դարձել է առաջին մարդը, ում կարողությունը գերազանցել է 400 մլրդ դոլարը։

Հետևեք մեզ նաև Telegram-ում