Թուրքիայում գաղթականներով նավ է խորտակվել. 24 զոհ, 10 անհետ կորած
Նմանատիպ
Բոսֆորի նեղուցի հյուսիսային ելքում 43 գաղթականների փոխադրող նավը խորտակվելու պատճառով 24 մարդ զոհվել, 10 մարդ անհետ կորել են:
Նավի վրա հիմնականում Աֆղանստանի քաղաքացիներ են եղել, որոնք փորձում էին Սեւ ծովով ապօրինի կերպով հասնել Ռումինիա:
Նշվում է, որ զոհերի մեծ մասը երեխաներ են: Փրկարարներին հաջողվել է ծովից կենդանի դուրս բերել միայն 7 միգրանտների:
Ականատեսների խոսքով` նավի վթարի ենթարկվելու վայրում ջրի վրա մարդկանց դիակներ էին լողում, խեղդվող մարդկանց փրկության աղերսանքներ լսվում:
Թուրքիան համարվում է Մերձավոր Արեւելքից դեպի Եվրոպա միգրանտների տարանցման երկիր: Եվրամիությունը Թուրքիայի հետ համաձայնագիր է ստորագրել ապօրինի կերպով իր տարածքով եվրոպական երկրներ ներգաղթյալներին հետ ընդունելու մասին, ինչի դիմաց Անկարան Բրյուսելից պահանջել է Թուրքիայի քաղաքացիներին առանց արտոնագրի մուտք ապահովել ԵՄ երկրներ:
Հետևեք մեզ նաև Telegram-ում