Բողոքի ակցիա ԱԳՆ-ի դիմաց՝ ի պաշտպանություն Ռուբեն Վարդանյանի

ԱԳ նախարարության շենքի դիմաց հավաքվել են քաղաքացիներ, հանրային գործիչներ՝ Արցախի նախկին պետնախարար, գործարար, բարերար Ռուբեն Վարդանյանի՝ վերջին դատական նիստի ընթացքից հրապարակված լուսանկարներով, որտեղ Վարդանյանը հյուծված տեսք ունի։

Ավելի վաղ հայտարարվել էր, որ ակցիայի մասնակիցները Հայաստանի արտաքին քաղաքականության պատասխանատու կառույցից պահանջելու են հանդես գալ հրատապ հայտարարությամբ և հրավիրել Հայաստանում հավատարմագրված դիվանագետների հավաք։

«Հայաստանի կառավարության և միջազգային հանրության լռությունն ուղղակի աջակցություն է Ադրբեջանի վայրագություններին»,-նշել էին նրանք։

Հավելենք, որ կան փաստացի ապացույցներ, որ Ռուբեն Վարդանյանը Բաքավի բանտում ենթարկվում է կտտանքների։