Ուկրաինան հայտնվել է ոչ թե ՌԴ-ԱՄՆ բանակցությունների սեղանի շուրջ, այլ ճաշացանկում

Ուկրաինան հայտնվել է ոչ թե Ռուսաստանի և ԱՄՆ-ի միջև բանակցությունների սեղանի շուրջ, այլ ճաշացանկում: Այս մասին Sky News-ը հայտնել է Պաշտպանական հետազոտությունների թագավորական միացյալ ինստիտուտի ռազմական փորձագետ Մայքլ Քլարկը:

«Դիվանագիտական շրջանակներում մի հին ասացվածք կա՝ «եթե դու սեղանի մոտ չես, դու ճաշացանկում ես»։ Եվ հավատացեք ինձ, Ուկրաինան ճաշացանկում է», – ասել է նա։

Վերլուծաբանը նշել է, որ Վլադիմիր Զելենսկին չի մասնակցել ռուսական և ամերիկյան կողմերի միջև տեղի ունեցող բանակցություններին, ինչը ըստ նրա, «դա շատ բան է ասում»։