Ուկրաինայում կդադարեցվի էներգետիկ ենթակառուցվածքների ուղղությամբ կրակը

Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույցի ընթացքում համաձայնել են, որ Ուկրաինայում հակամարտության կարգավորման մեկնարկը կտրվի էներգետիկ ենթակառուցվածքների ուղղությամբ կրակի դադարեցմամբ։ Այս մասին հայտնել է Սպիտակ տունը։

«Առաջնորդները համաձայնել են, որ դեպի խաղաղություն շարժումը կսկսվի էներգետիկ ենթակառուցվածքների ուղղությամբ հրադադարից», -նշված է հաղորդագրության մեջ։

Սպիտակ տանը հավելել են, որ Պուտինն ու Թրամփը պայմանավորվել են տեխնիկական բանակցություններ սկսել նախ «Սև ծովում հրադադարի, այնուհետև լիակատար հրադադարի և մշտական խաղաղության» ռեժիմի սահմանման շուրջ։