Իսրայելը քննարկում է Գազայում ռազմական գործողությունների վերսկսման հնարավորությունը

Իսրայելի վարչապետ Բենիամին Նեթանյահուն ԱՄՆ պետքարտուղար Մարկո Ռուբիոյի հետ հեռախոսով քննարկել է Գազայի հատվածում ռազմական գործողությունների վերսկսումը և իսրայելցի պատանդներին ազատ արձակելու ջանքերը: Այս մասին հայտնել է Նեթանյահուի գրասենյակը:

Վարչապետ Բենիամին Նեթանյահուն վերջերս հեռախոսազրույց է ունեցել ԱՄՆ պետքարտուղար Մարկո Ռուբիոյի հետ: «Կողմերը քննարկել են տարածաշրջանում տեղի ունեցող վերջին իրադարձությունները, այդ թվում՝ պատանդների ազատ արձակման և Գազայի հատվածում ռազմական գործողությունների վերսկսման հարցերը», – ասված է հաղորդագրության մեջ։

Գրասենյակում նշել են, որ պետքարտուղար Ռուբիոն Միացյալ Նահանգների լիակատար և անվերապահ աջակցությունն է հայտնել Իսրայելին և նրա վարած քաղաքականությանը: