DOGE-ը հեռացնում է ԱՄՆ սոցապահովության համակարգից 10 մլն մարդու

DOGE-ը՝ ԱՄՆ կառավարության աշխատանքի արդյունավետության բարձրացման գերատեսչությունը, սկսել է սոցիալական ապահովության համակարգից հեռացնել 120-ից բարձր տարիքի անձանց պատկանող10 մլն անհատական ապահովագրական համարներ։ Այս մասին DOGE-ը հայտնել է X-ում։

Ավելի վաղ Մասկը մատնանշել էր, որ սոցապահովության համակարգում առկա են 120-ից մինչև 369 տարեկան վաղուց մահացած մարդկանց տվյալներ, որոնք պաշտոնապես գրանցված են ապրողների ցանկում։ DOGE-ի համակարգողը հեգնանքով այդ հանգուցյալ քաղաքացիներին անվանել է «վամպիրներ»։

Արդյունավետության բարձրացման գերատեսչությունը հավելել է, որ սոցիալական ապահովագրության համակարգի ադմինիստրատորները պետք է թարմացնեն ևս 2 միլիոն մարդու տվյալ, որոնք, ամենայն հավանականությամբ, նույնպես մահացած են։

Ըստ ամերիկյան Wired ամսագրի տվյալնների՝ «300-ամյա վամպիրների» հետ կապված իրավիճակը հիմնականում բացատրվում է ԱՄՆ սոցիալական ապահովության ծառայությունը հնացած ծրագրային առանձնահատկություններով, որի պատճառով տվյալների բազան պարունակում է սխալ կամ հնացած տեղեկություններ։ Միևնույն ժամանակ, սոցիալական ապահովագրության ծառայությունը տեղեկացրել է, որհամակարգում նշված 100 տարեկանից բարձր անձանց 98%-ը որևէ վճար չեն ստանում:

Իլոն Մասկը փետրվարին հայտարարել էր ԱՄՆ սոցապահովության համակարգի լայնածավալ վերանայման պլանների մասին։ Նա նշել էր, որ կասկածում է «պատմության մեջ խոշորագույն խարդախությանը», քանի որ սոցապահովության համակարգում ապահովագրական համարների թիվը զգալիորեն գերազանցում է երկրի քաղաքացիների թիվը: