Ի պատասխան ԱՄՆ-ի սակագների ԵՄ-ն՝ մտադիր է ամրապնդել ներքին շուկան
Նմանատիպ
Եվրամիությունն ի պատասխան ԱՄՆ-ի առևտրային մաքսատուրքերի՝ կամրապնդի իր ներքին շուկայի միասնությունը, որի կարգավորմամբ զբաղվում է Եվրահանձնաժողովը: Այս մասին հայտարարել է ԵՀ ղեկավար Ուրսուլա ֆոն դեր Լյայենը։
«ԱՄՆ-ի մաքսատուրքերին մեր պատասխանը պետք է դառնա եվրոպական շուկայի միասնության ամրապնդումը»,- ասել է Ուրսուլա ֆոն դեր Լյայենը Ստրասբուրգում Եվրախորհրդարանի նստաշրջանում իր ելույթի ժամանակ։ Նա խոստցել է «ջնջել ԵՄ-ի երկրների միջև մնացած առևտրային արգելքները», ինչը փաստացի նշանակում է ԵՀ-ի տնտեսական հնարավորությունների մեծացում և միության անդամ պետությունների կառավարությունների լիազորությունների կրճատում։
Եվրահանձնաժողովը ապրիլի 2-ին սպասում է ԱՄՆ-ի նոր սակագներին։ դրանք կարող են սահմանվել կիսահաղորդիչների, բժշկական պատրաստուկների և փայտի նկատմամբ, հայտնել է ֆոն դեր Լյայենը: Միևնույն ժամանակ, ԵՄ-ն մտադիր է ԱՄՆ-ի հետ սակագների շուրջ բանակցություններ վարել ուժի դիրքերից՝ հենվելով իր շուկայի ծավալի և տեխնոլոգիական նվաճումների վրա։
Նրա խոսքով՝ ԵՄ-ն կոշտ միջոցների պլան է պատրաստել՝ ի պատասխան ԱՄՆ-ի մաքսատուրքերի, սակայն առայժմ չի ցանկանում դրանք կիրառել՝ հույս ունենալով բանակցային լուծում ստանալ։
Հետևեք մեզ նաև Telegram-ում
