Մոսկվան չի հավատում, որ ԱՄՆ-ն դուրս կգա ՆԱՏՕ-ից
Նմանատիպ
ՌԴ փոխարտգործնախարար Սերգեյ Ռյաբկովը հայտարարել է, որ Մոսկվայում չեն հավատում ՆԱՏՕ-ից ԱՄՆ-ի դուրս գալու հնարավորությանը:
«Ես չեմ կարծում, որ դա տեղի կունենա։ Կարծում եմ, որ այն բառապաշարի մեջ, որից օգտվում է ներկայիս ԱՄՆ վարչակազմը, առկա է քաջության որոշակի չափաբաժին»,- ասել է Ռյաբկովը։
ՆԱՏՕ-ում ԱՄՆ նախկին մշտական ներկայացուցիչ Իվո Դաալդերը մարտի 28-ին հայտարարել էր, որ Միացյալ Նահանգների նախագահ Դոնալդ Թրամփի վարչակազմը կարող է երկիրը դուրս բերել ՆԱՏՕ-ից՝ չնայած 2023 թվականի դեկտեմբերին Կոնգրեսի ընդունած արգելքին։ Նա նշել է, որ դատարանն ավանդաբար արտաքին քաղաքականության ոլորտում լիազորությունները փոխանցում է գործադիր իշխանությանը և կարող է օրենքն ինքնին հակասահմանադրական ճանաչել։ Դաալդերն ընդգծել է, որ հաշվի առնելով հավաքական պաշտպանության պարտավորությունների նկատմամբ Թրամփի քննադատական վերաբերմունքը, նման սցենարը չի բացառվում:
Հետևեք մեզ նաև Telegram-ում
