Թրամփը կրկնապատկել է իր կարողությունը՝ հասցնելով 5,1 մլրդ դոլարի. Forbes

ԱՄՆ նախագահի կարողության հիմնական մասը կազմում է անշարժ գույքը։ Այս մասին հայտնում է ամերիկյան Forbes ամսագիրը։

Ըստ Forbes-ի աշխարհի ամենահարուստ մարդկանց 39-րդ վարկանիշի՝ ԱՄՆ նախագահ Դոնալդ Թրամփը 2024 թվականի 2,3 միլիարդ դոլարը 2025 թվականին ավելացրել է՝ հասցնելով մինչև 5,1 միլիարդ դոլարի։

Ամսագիրը կարծում է, որ միլիարդատերերից քչերն են ավելի լավ տարի ունեցել։ Դոնալդ Թրամփի համար հաջող տարի էր ոչ միայն այն պատճառով, որ նա կրկին դարձել է ԱՄՆ նախագահ, այլ որ Սպիտակ տուն վերադառնալուց առաջ նա իր բանկը համալրել է կրիպտոարժույթի շատ եկամտաբեր ներդրմամբ։

Forbes-ի տվյալներով՝ Դոնալդ Թրամփի կարողության հիմնական մասն անշարժ գույքն է։ Նրան են պատկանում գոլֆի ակումբներ, շքեղ առանձնատներ, գինեգործարան, ինչպես նաև 1991 թվականի արտադրության Boeing 757-200 ինքնաթիռը, որը հայտնի է որպես Trump Force One։

Ավելի քան 3 հազար մարդ, որոնց ընդհանուր կարողությունը կազմել է ռեկորդային 16,1 տրլն դոլար, ընդգրկվել է ամսագրի ցուցակում: Forbes-ի փոխանցմամաբ՝ առաջին անգամ 3 մարդ տնօրինում է ավելի քան 200 մլրդ դոլարի կարողության: