Ուկրաինայում դոլարը 3-րդ ամիսն անընդմեջ էժանանում է

Ուկրաինայում դոլարի փոխարժեքը երրորդ ամիսն անընդմեջ նվազում է, իսկ երկրի բնակչությունն ամերիկյան արժույթը սկսել է ավելի քիչ գնել։ Այս մասին վկայում են Ուկրաինայի ազգային բանկի կայքում տեղադրված տվյալները։

Ըստ կարգավորիչների տվյալների՝ հունվարի կեսերից, երբ փոխարժեքը սահմանվեց 1 դոլարի դիմաց 42,28 գրիվնայի մակարդակում, ամերիկյան արժույթն աստիճանաբար էժանացավ։

Հունվարի փոխարժեքը նվազեց մինչև 41,82 գրիվնա, փետրվարի վերջին՝ 41,51 գրիվնա, իսկ ապրիլի 2-ին՝ փոխարժեքը 41,37 գրիվնա։ Մինչդեռ 2024 թվականին դոլարի պաշտոնական փոխարժեքն աճել էր 10,7%-ով։

Ուկրաինայի ազգային բանկի վերլուծաբանները նշում են, որ փոխարժեքը շարունակում է նվազել, բնակչության շրջանում նվազում է նաև ամերիկյան արժույթի պահանջարկը։ Ուկրաինացիների կողմից արժույթի զուտ գնումը մարտին կազմել էր 720 միլիոն դոլար, փետրվարի համեմատ դրա ծավալը նվազել էր 24,9%-ով։