Ալիևը նշել է Հայաստանի հետ խաղաղության պայմանագրի ստորագրման 2 հիմնական պայման
Նմանատիպ
Ադրբեջանի նախագահ Իլհամ Ալիևը լրատվամիրոջների հետ զրույցում նշել է Հայաստանի հետ խաղաղության պայմանագրի ստորագրման երկու հիմնական պայման։
«Խաղաղության պայմանագրի տեքստը լիովին համաձայնեցված է և բաղկացած է 17 կետից։ Ադրբեջանն այստեղ լրացուցիչ պայմաններ չի առաջադրում։ Մեր պայմանները Հայաստանին հայտնի են, նոր չեն։ Մենք երկար ժամանակ առաջ ենք տանում այս պայմանները։ Սակայն Հայաստանից դեռ լուրջ արձագանք չենք ստացել»,- ասել է նա։
Ալիևի պնդմամբ՝ նախ անհրաժեշտ է լուծարել ԵԱՀԿ Մինսկի խումբը։
«Երկրորդ պայմանը վերաբերում է Հայաստանի Սահմանադրությանը, որտեղ հղում է արվում Հայաստանի Անկախության հռչակագրին։ Դա սահմանադրության բաղկացուցիչ մասն է։ Այնտեղ դրույթ կա, որ Ադրբեջանի օրինական, պատմական տարածքը միավորված է Հայաստանին, և դա համարվում է բացահայտ տարածքային պահանջ մեր դեմ։ Հետևաբար Հայաստանի Սահմանադրությունից այս դրույթի հանումը մեր օրինական պահանջն է»,- նշել է Իլհամ Ալիեւը։
«Երբ այս երկու պայմանները կատարվեն, խաղաղության պայմանագրի ստորագրման համար ոչ մի խոչընդոտ չի լինի։ Ինչպես ասում են՝ գնդակը Հայաստանի դաշտում է։ Եթե Հայաստանն իսկապես ցանկանում է խաղաղության պայմանագիր կնքել, ապա պետք է ընդունի Ադրբեջանի այս երկու օրինական պայմանները»,- ընդգծել է նա։
Հետևեք մեզ նաև Telegram-ում
