Արդյո՞ք Toyota-ն կվերադառնա Ռուսաստան

Toyota ավտոմեքենաների ճապոնական ապրանքանիշը, որը Ռուսաստանից հեռացել էր 2022 թվականի սեպտեմբերին, 2025 թվականի մարտի 31-ին ապրանքային նշանների գրանցման 33 հայտ է ներկայացրել։ Այս մասին տեղեկանում ենք Ռոսպատենտի տվյալներից։

Հայտերի շարքում կան Toyota Prius, Toyota C-HR, Toyota Venza, Toyota Auris, Toyota GT86 և Toyota Supra անվանումներով ապրանքային նշաններ։

Բոլոր ապրանքային նշանները գրանցվում են ապրանքների և ծառայությունների միջազգային դասակարգման 12-րդ դասում, որը ներառում է ավտոմեքենաներ, ինչպես նաև դրանց պահեստամասեր և աքսեսուարներ։

Ըստ ավտոէքսպերտ Իգոր Մորժարետտոնի՝ հայտերի ներկայացումը չի նշանակում, որ ընկերությունը պատրաստվում է վերադառնալ Ռուսաստանի շուկա։

«Սա ինչ-որ հեռանկարային փորձ է։ Խոշոր ավտոարտադրողներից (արտասահմանյան) ոչ մեկը կոնկրետ պլաններ չի կազմում, բայց միևնույն ժամանակ չի վերացնում ցանկացած հնարավորություն ինչ-որ հեռավոր հեռանկարում վերադառնալու համար, քանի որ ռուսական շուկան բոլորի համար հետաքրքիր է»,-նշել է նա։

Տարեկան 100 հազար մեքենա արտադրելու համար նախատեսված ճապոնական Toyota կորպորացիայի Սանկտ Պետերբուրգի գործարանը 2022 թվականի սեպտեմբերին ավտոընկերության հայտարարության համաձայն դադարեցրել էր ավտոարտադրությունը։

Ընկերությունը շահագործման է հանձնվել 2007 թվականի վերջին, թողարկել է RAV4 և Camry մոդելները ՝ Ռուսաստանի արդյունաբերության և առևտրի նախարարության հետ հատուկ ներդրումային պայմանագրի շրջանակում։