Ռուսաստանն ու Չինաստանը քննարկել են Իրանի միջուկային ծրագիրը

Ռուսաստանի արտաքին գործերի նախարար Սերգեյ Լավրովը Չինաստանի ԱԳ նախարար Վան Ինի հետ վերջինիս Մոսկվա կատարած այցի ընթացքում քննարկել է Իրանի միջուկային ծրագրին վերաբերող հարցերը։ Այս մասին հայտնել են Ռուսաստանի դիվանագիտական գերատեսչությունում:

«Անդրադարձ է կատարվել տարածաշրջանային առանձին սյուժեների՝ կապված Կորեական թերակղզու իրադրության, Իրանի միջուկային ծրագրի, Կենտրոնական Ասիայում տիրող իրավիճակի հետ. Ինչպես նաև քննարկվել են Եվրասիայում անվտանգության նոր կառույցի ձևավորման հեռանկարները, որն առաջացել է եվրատլանտյան մեխանիզմների լճացման արդյունքում»,- ասված է հաղորդագրության մեջ։

Ըստ ՌԴ ԱԳՆ-ի՝ հանդիպումն անցել է բարեկամական և բաց մթնոլորտում, դիվանագիտական գերատեսչությունների ղեկավարներն ընդգծել են «երկկողմ փոխգործակցության և գլոբալ օրակարգի հիմնական հարցերի շուրջ դիրքորոշումների նմանությունները»: