ԱՄՆ-ն ակտիվորեն շփվում է Ռուսաստանի ու Ուկրաինայի հետ

ԱՄՆ-ն հակամարտության կարգավորման ուղղությամբ ակտիվորեն շարունակում է շփվել ինչպես Ռուսաստանի, այնպես էլ Ուկրաինայի հետ, նախագահ Դոնալդ Թրամփն անձամբ ներգրավված է այդ գործընթացում։ Այս մասին հայտարարել Է Սպիտակ տան մամուլի քարտուղար Կարոլին Լևիտը։

«Մեր թիմը շարունակում է համագործակցել ռուսների, ինչպես նաև ուկրաինացիների հետ, իսկ նախագահը շարունակում է ամեն օր անձամբ ներգրավվել այս թեմայի մեջ»,-ասել է Լևիտը ճեպազրույցի ժամանակ։

Ավելի վաղ Լևիտը հայտարարել էր, որ Թրամփը դժգոհություն է հայտնել հակամարտության երկու կողմերի առաջնորդների կողմից արված մեկնաբանություններից՝ հավելելով, որ ԱՄՆ նախագահը հստակ հասկացրել է, թե ինչ քայլեր է անհրաժեշտ ձեռնարկել ռազմական գործողություններն ավարտելու համար։