ԱՄՆ-ն 200-ից ավելի հարված է հասցրել Եմենին

ԱՄՆ-ն այս պահին արդեն «ավելի քան 200 հաջող հարված» է հասցրել Եմենի հյուսիսում իշխող «Անսար Ալլա» շարժման օբյեկտներին։ Այս մասին հայտարարել է Սպիտակ տան մամուլի քարտուղար Կարոլին Լևիտը։

«Վերջին անգամ, երբ ես կանգնած էի այս ամբիոնին, ավելի քան 100 հաջող հարված էր հասցվել։ Այժմ արդեն հութիների դեմ ուղղված հաջող հարվածների թիվն անցել է 200-ը, ինչի համար շատ ուրախ եմ»,- ասել է նա լրագրողներին ճեպազրույցի ժամանակ։

ԱՄՆ նախագահ Դոնալդ Թրամփը մարտի 15-ին հրաման էր տվել ամերիկացի զինվորականներին «վճռական և հզոր» գործողություններ ձեռնարկել Եմենի հութիների դեմ, որոնց մինչ այդ նա ներառել էր ահաբեկչական կազմակերպությունների ցուցակում: ԱՄՆ ԶՈՒ կենտրոնական հրամանատարությունը հայտնել է, որ երկիրը Եմենում հութիների դեմ լայնածավալ գործողություն է սկսել՝ ամերիկյան շահերը պաշտպանելու համար: Միացյալ Նահանգների առաջնորդը նաև կոչ է արել Իրանին դադարեցնել աջակցությունը հութիներին և չսպառնալ «ամերիկյան բնակչությանը և նրանց նախագահին»։