Ուկրաինայի վերականգնման համար չեն բավականացնում հատկացված գումարները

Գրեթե 10 մլրդ դոլար Կիևին չի բավականացնում 2025 թվականին Ուկրաինայի վերականգնման ֆինանսավորման համար։ Այս մասին հայտնել է երկրի վարչապետ Դենիս Շմիգալը։

«2025 թվականին դոնորների աջակցությամբ կառավարությունը գրեթե 7,4 միլիարդ դոլար է հատկացրել առաջնահերթ վերականգնման համար։ Ընդ որում՝ վերականգնման կարիքների ֆինանսավորման ընդհանուր դեֆիցիտը 2025 թվականին կազմում է գրեթե 10 մլրդ դոլար»,-գրել է նա Telegram-ալիքում։

Շմիգալը նշել է, որ հաջորդ տասնամյակի ընթացքում Ուկրաինայի վերականգնման ընդհանուր արժեքը կկազմի 524 մլրդ դոլար: Նա ընդգծել է, որ այս տարի միջազգային աջակցության Ուկրաինայի բյուջետային պահանջարկն ընդհանուր առմամբ կազմում է 39,3 մլրդ դոլար։ Նրա խոսքով՝ «Ուկրաինան գործընկերների կողմից հաստատում ունի, որ այդ կարիքը ծածկվելու է»։

Փետրվարի 24-ին Ուկրաինայի կառավարության և Եվրահանձնաժողովի համատեղ նիստում Շմիգալը հայտարարել էր, որ երկրի ապագա վերականգնումը կարժենա 500 մլրդ եվրո, և այդ աշխատանքների ֆինանսավորումը կարող է դառնալ «առանցքային առաջադրանք Եվրոպայի համար»։