Ուկրաինայի հակամարտությունը ոչ թե տարածաշրջանային, այլ գլոբալ բնույթ է կրում

ՆԱՏՕ-ի գլխավոր քարտուղար Մարկ Ռյուտեն պնդում է, որ Ուկրաինայի հակամարտությունը ոչ թե տարածաշրջանային, այլ գլոբալ բնույթ է կրում, և որ որոշ երկրներ «ուշադիր հետևում են», թե ով կհաղթի ՝ Ռուսաստանը, թե Արևմուտքը։

«Միանգամայն ակնհայտ է, որ սա ոչ թե տարածաշրջանային, այլ գլոբալ հակամարտություն է, քանի որ Ռուսաստանն աշխատում է Չինաստանի, Հյուսիսային Կորեայի և Իրանի աջակցությամբ, և, ի վերջո, կա լսարան, որը դատելու է այս պատերազմի արդյունքի մասին ու հետևում է, թե ով կհաղթի, Ռուսաստանը, թե Արևմուտքը»,-ասել է նա Ուկրաինայի ԱԳ նախարար Անդրեյ Սիբիգայի հետ համատեղ հայտարարության ժամանակ։

ՆԱՏՕ-ի գլխավոր քարտուղարը նաև վստահ է, որ հակամարտության արդյունքները «հիմք կծառայեն հնդ-խաղաղօվկիանոսյան տարածաշրջանում Չինաստանի հետագա քայլերի համար»։