Պռոշյանի և Քասախի բնակիչները փակել են Երևան-Աշտարակ ճանապարհը

05/04/2025 10:55

Պռոշյանի և Քասախի բնակիչները փակել են Երևան-Աշտարակ ճանապարհը։

Նրանք բողոքում են տրանսպորտի 25 և 59 համարների գծերի կրճատման և նոր, ավելի թանկ երթուղու դեմ։

«Մեր պահանջն է, որ չմտնեք մեր գրպանը, չդադարեցնեք նախկին երթուղին։ Եթե չանեք, նստացույց ենք անելու այստեղ»,- ասաց ակցիայի մասնակիցներից մեկը։

«Շախմատի ձի դարձած ենք երթեւեկում, հիմա դա էլ են հանում, ո՞նց անենք մենք»,- ասում են բնակիչները:

«Եթե երկուշաբթի մեր հարցին դրական լուծում չտվեցին, պալատկաները խփելու ենք Նիկոլի տան առաջ»,- նշում են ցուցարարները։