Կանանց հետապնդման պատմության ժամանակ ի հայտ չեկան երբեմնի ֆեմինիստները, կանանց իրավունքների պաշտպանները․ Գոհար Մելոյան
Կարդացեք նաև
«Ուժեղ Հայաստան» կուսակցության անդամ Գոհար Մելոյանը գրում է․ «Մեր ուժեղ կանանց նկատմամբ հետապնդման պատմության մեջ, բացի քաղաքական հետապնդման ասպեկտից, ուշագրավ եւս 2 հանգամանք կա։
Թիրախ դարձան հենց կանայք։
Այդպես էլ ի հայտ չեկան երբեմնի ֆեմինիստները, կանանց իրավունքների պաշտպանները։ Ֆեյքային գրոհների հիմնական թեզերը՝ կա’մ կոնկրետ սեռով պայմանավորված վիրավորանքներն էին, կա՛մ կնոջ դերի նվաստացումը։
Անմեղության կանխավարկածի ոտնահարումը
Բարձրաստիճան պաշտոնատար անձինք իրար հերթ չտալով՝ սկսեցին պիտակավորել, նկարագրել, որակումներ տալ, հանրությանը մատուցելով, թե ինչ կապ ունի սեռը, կամ մանկահասակ երեխան, եթե մարդը հանցագործ է։ Մինչդեռ՝ կապը շատ ուղղակի է։
Հենց մեր պայքարը նրա համար է, որ գործած հանցանքի համար վրա հասնի պատասխանատվություն, բայց այդ գործընթացը լինի ապաքաղաքական, իրավական ու մարդը չթիրախավորվի, քանի դեռ իր մեղքը չի ապացուցվել։
Առավել եւս, մանկահասակ բալիկներ ունեցող, օրենքը հարգող մայրիկների պարագայում»։
Հետևեք մեզ նաև Telegram-ում