Լավրովն ու Ֆիդանը Անթալիայում բանակցություններ են վարում

Ռուսաստանի և Թուրքիայի արտաքին գործերի նախարարներ Սերգեյ Լավրովը և Հաքան Ֆիդանը բանակցություններ են վարում Անթալիայի 5-րդ դիվանագիտական ​​ֆորումի շրջանակներում։ Այս մասին հաղորդում է Риа Новости-ի թղթակիցը։

Հանդիպումից առաջ Ռուսաստանի արտաքին գործերի նախարարությունը հայտարարել է, որ Լավրովը և Ֆիդանը կքննարկեն երկկողմ և միջազգային հրատապ հարցերի լայն շրջանակ, այդ թվում՝ իրանական ճգնաժամը, պաղեստինա-իսրայելական հակամարտությունը և Սիրիայում ստեղծված իրավիճակը։

«Առանձին կքննարկվեն Աքքույուի ատոմակայանի կառուցման և «Կապույտ հոսք» ու «Թուրքական հոսք» գազատարների շահագործման ռազմավարական նախագծերի վրա աշխատանքները», – հայտարարել է Ռուսաստանի ԱԳՆ-ն։

Հետևեք մեզ նաև Telegram-ում