Էրդողանը նորից կոչ է արել փոխել երկրի սահմանադրությունը

Թուրքիայի նախագահ Ռեջեփ Թայիփ Էրդողանը կրկին շեշտել է հանրապետության համար նոր սահմանադրություն մշակելու և ընդունելու անհրաժեշտությունը։

«Մենք հնարավորություն ունենք մեր ժողովրդավարությունը կառուցելու ներքևից վերև՝ նոր, համապարփակ, լիբերալ և քաղաքացիական սահմանադրությամբ», – հայտարարել է Թուրքիայի ղեկավար։

Էրդողանի խոսքով՝ նոր սահմանադրությունը պետք է հիմք հանդիսանա ավելի ամուր իրավական համակարգի համար և արտացոլի երկրի ժամանակակից քաղաքական և սոցիալական իրողությունները։