Հորմուզի նեղուցը դարձել է պարսկական միջուկային զենք․ Դմիտրի Մեդվեդև

ՌԴ Անվտանգության խորհրդի նախագահի տեղակալ Դմիտրի Մեդվեդևը հանդես է եկել հայտարարությամբ՝ նշելով, որ Հորմուզի նեղուցը դարձել է «պարսկական միջուկային զենք» և կօգտագործվի։

«Խաղաղություն սպասելը անխոհեմ է, և Հորմուզի նեղուցը իսկապես դարձել է պարսկական միջուկային զենք, ինչպես ես գրել էի ապրիլի 8-ին։ Եվ այն կօգտագործվի», – գրել է Մեդվեդևը Max-ում։

Մեդվեդևն ասել է․  «Հռետորաբանությունը մի կողմ դնելով՝ բոլորի համար պարզ է դարձել, որ Թեհրանը, մեղմ ասած, չի պարտվել այս պատերազմում Վաշինգտոնին՝ չնայած Իրանի պետության ղեկավարի սպանությանը և ավերիչ հրթիռային հարվածներին։ Երրորդ կողմը՝ Իսրայելը, վիրավորված է Իրանի քաղաքական ռեժիմի լիակատար պարտության սպասումներից և, հետևաբար, կձգտի վրեժ լուծել։ Եվ ոչ մի (ԱՄՆ նախագահ Դոնալդ) Թրամփ չի կարող նրան ասել, թե ինչ անել», – ասել է նա։

Ռուս քաղաքական գործիչը նշել է, որ «անկայուն համաձայնագիրը հեշտությամբ պայթում է Լիբանանի վրա նոր հարվածներով կամ այլ սադրանքներով», ինչը, նրա խոսքով, «հենց այն է, ինչ անհրաժեշտ է (Իսրայելի վարչապետ Բենիամին) Նեթանյահուի կաբինետին, որը գոյատևում է պատերազմով»։

Հետևեք մեզ նաև Telegram-ում