Զելենսկին պատժամիջոցներ է սահմանել իր նախկին մամուլի քարտուղար Յուլիա Մենդելի նկատմամբ

Ուկրաինայի նախագահ Վոլոդիմիր Զելենսկին պատժամիջոցներ է սահմանել իր նախկին մամուլի քարտուղար Յուլիա Մենդելի նկատմամբ։ Նա ընդգրկվել է 10 անձանցից բաղկացած ցուցակում, որոնց ուկրաինական իշխանությունները մեղադրում են ապատեղեկատվության և ռուսական քարոզչության տարածման մեջ։

Սահմանված պատժամիջոցների փաթեթը նախատեսում է Ուկրաինայի տարածքում ակտիվների արգելափակում, գործունեության լիցենզիաների չեղարկում և իրավական բնույթի այլ սահմանափակող միջոցներ։

Յուլիա Մենդելը Զելենսկիի մամուլի քարտուղարի պաշտոնը զբաղեցրել է 2019-2021 թվականներին։ Վերջին ամիսներին նա հանդես էր գալիս Ուկրաինայի նախագահի և իշխող համակարգի ընդունած որոշումների հրապարակային քննադատությամբ։

Հետևեք մեզ նաև Telegram-ում