Սիրիայում կռված ադրբեջանցին Բաքվում ձերբակալվել է
03/12/2014 15:57
Նմանատիպ
Սիրիայի հակակառավարական ուժերի կողմից կռվող ադրբեջանցիները, ովքեր վերջին շրջանում սկսել են հայրենիք վերադառնալ, շարունակում են ձերբակալվել:
Ինչպես հաղորդում է «Արմենպրես»-ը` վկայակոչելով ադրբեջանական ԱՊԱ գործակալությունը, Բաքվի Հեյդար Ալիևի անվան օդանավակայանում տեղի իրավապահ մարմինները ձերբակալել են Շահբազի Բահրուզ Բահթիյարօղլուին:
Վերջինս ավելի վաղ Թուրքիայի տարածքով անցել էր Սիրիա և այստեղ մասնակցել նախագահ Բաշար Ասադի դեմ մղվող կռիվներին:
Սիրիայում մի քանի տարի շարունակվող բախումների ընթացքում մարտերին մասնակցել են մի քանի հազար ադրբեջանցի մոջահեդ, որոնցից շուրջ 2 հարյուրը զոհվել են մարտերում:
Հետևեք մեզ նաև Telegram-ում