Վրաստանի ՆԳՆ-ի լիազորությունները կարող են սահմանափակվել
Նմանատիպ
Վրաստանի վարչապետ Իրակլի Գարիբաշվիլին առաջարկել է երկրում ստեղծել հատուկ հանձնաժողով, որը ներքին գործերի նախարարության կազմից դուրս կբերի անվտանգության բաղադրիչը:
Ինչպես հայտարարել է Գարիբաշվիլին, այդ հանձնաժողովի մեջ կմտնեն հասարակության, կառավարության, խորհրդարանի և ոչ կառավարական կազմակերպությունների ներկայացուցիչները:
«Հանձաժողովի աշխատանաքները բացարձակ թափանցիկ կլինեն: Եվ հենց այդ հանձնաժողովն էլ կառաջարկի ներքին գործերի նախարարության կազմից անվտանգության բաղադրիչի դուրս բերման ձևերը: Մենք նախընտրական շրջանում խոստացել էինք ներքին գործերի նախարարությունը բաժանել ոստիկանության և անվտանգության ուժերի», – հայտարարել է Գարիբաշվիլին:
Վրաստանի վարչապետի խոսքերով, նա անվտանգության ծառայության հետագա գործունեությունը տեսնում է վարչության կազմում, սակայն դա միայն նախնական տարբերակն է:
Հետևեք մեզ նաև Telegram-ում
