Սիրիայում ադրբեջանցի ջիհադականները հայրենակիցներին գայթակղում են խորովածով
Նմանատիպ
«Իրաքի եւ Լեւանտի իսլամական պետություն» (ԻԼԻՊ) ահաբեկչական խմբավորման շարքերում կռվող ադրբեջանցի վահաբի ջիհադականները հայրենակիցներին գայթակղում են խորովածով:
Ինչպես հաղորդում է «Արմենպրես»-ը, նրանք համացանցում հերթական տեսանյութն են տեղադրել, որում երիտասարդ ադրբեջանցին խորոված է ուտում, եւ դիմելով Ադրբեջանում բնակվող իր հորը, կոչ է անում նրան իր մոտ գալ:
«Հայրիկ, սովորիր նամազ անել, հետո կապվիր Էլնուրի հետ, նա քեզ կբացատր` ինչպես գալ ինձ մոտ: Այստեղ քեզ ոչ ոք չի ստիպում կռվել: Ուղղակի ապրիր այստեղ, ինչպես ապրում ես Ադրբեջանում: Այնտեղ դու ամեն օր ընկած ես մի կտոր հացի հետեւից, իսկ այստեղ դա չկա: Այստեղ մեզ բնակարաններ են տալիս, ուտելիքը շատ է: Մենք այստեղ ուտում ենք այն, ինչ չէինք կարող մեզ թուլ տալ Ադրբեջանում», -պատմում է ադրբեջանցի ջիհադականը:
Ադրբեջանական ԶԼՄ-ներն ավելի վաղ հայտնել էին, որ Սիրիայում ապստամբների կողմից նախագահ Բաշար Ասադի դեմ կռվում են մեծ թվով Ադրբեջանի քաղաքացիներ, իսկ Սիրիայում եւ Իրաքում ամբողջ պատերազմի ընթացքում ոչնչացվել են 300-ից ավելի ադրբեջանցիներ: 2013 թ. մայիսին Սիրիայում կռվող ադրբեջանցիները հանդես էին եկել հերթական տեսադիմումով, որում հայրենակիցներին կոչ էին արել ջիհադ կատարել Սիրիայում:
Հետևեք մեզ նաև Telegram-ում