Եղեգնուտի` Պետրոս Ղեւոնդյանի անունը կրող դպրոցում նշվել է հերոսի ծննդյան տարեդարձը
Նմանատիպ
Այսօր ԼՂՀ Շահումյանի շրջանի Եղեգնուտ համայնքի` Պետրոս Ղեւոնդյանի անունը կրող դպրոցում նշվեց հերոսի ծննդյան 51-րդ տարեդարձը:
Փառքի անկյունում երեխաները մոմեր էին վառվում: Դասերի ավարտին աշակերտները ներկայացրին իրենց պատրաստած համերգային ծրագիրը, որը խոսուն վկան էր այն բանի, որ հերոսը կենդանի լեգենդ է իր անունը կրող դպրոցի սաների սրտերում:
Ազգային երգ ու պարը հանդիսատեսին մատուցվեց տարբեր դասարանների աշակերտների մասնակցությամբ: Հերոսի հոբելյանի կապակցությամբ լույս է ընծայվել մի նոր հուշ-ալբոմ, որտեղ բերված են փաստեր հերոսի անմնացորդ նվիրվածության ու հայրենասիրական անկոտրում կամքի մասին:
Պետրոս Ղեւոնդյանը (Պետո) ծնվել է 1964 թ. հունվարի 30-ին, ՀՀ Նաիրի շրջանի Պռոշյան գյուղում: Արցախյան շարժման սկզբից, երբ 17 տարեկան էր, կամավոր մեկնել է ռազմաճակատ: 1992-ից Պետրոսը եղել է Շուշիի առանձնակի գումարտակի փոխհրամանատար:
1994 թ. մշակել է Քարվաճառի շրջանի Օմարի լեռնանցքի ազատագրման դժվարին ծրագիրը եւ իր գումարտակով իրականացրել այն: Զոհվել է 1994 թ. փետրվարի 14-ին` Քարվաճառում` վիրավոր զինվորին փրկելիս: Այդ ժամանակ Պետոն 30 տարեկան էր: Արցախի Հերոս է:
Մարիամ Փիլաֆյան
Հետևեք մեզ նաև Telegram-ում