Ալիեւը անչափահասներին հավատարմության երդում պարտադրող օրենք է ստորագրել
Նմանատիպ
Ադրբեջանի առաջնորդ Իլհամ Ալիեւը «Ադրբեջանի Հանրապետության քաղաքացիության մասին» օրենքում փոփոխություն մտցնելու մասին հրամանագիր է ստորագրել, որի համաձայն 14 տարին լրացած Ադրբեջանի քաղաքացիները պետք է քաղաքացու երդում տան: Այս մասին, ինչպես հաղորդում է «Արմենպրես»-ը, հայտնում է Ադրբեջանի նախագահի պաշտոնական կայքը:
Երդումը պետք է տրվի պետական լեզվով: Երդման ժամանակ անչափահասը պետք է նշի, որ որպես Ադրբեջանի քաղաքացի այլ պետության քաղաքացու պարտավորություններ չունի, պարտավորվում է հավատարիմ լինել Ադրբեջանի սահմանադրությանը, հավատարմորեն ծառայել ադրբեջանական պետությանը, պաշտպանել երկրի անկախությունը, ինքնիշխանությունը եւ տարածքային ամբողջականությունը, հարգել Ադրբեջանի ավանդույթներն ու մշակույթը:
Երդման արարողությունը պետք է անցկացվի հանդիսավոր պայմաններում, Ադրբեջանի դրոշի մոտ: Երդման ժամանակ անչափահասը պետք է ձեռքը դնի Ադրբեջանի սահմանադրության վրա:
Երդում տվող յուրաքանչյուր պատանի պարտավոր է ստորագրել այդ մասին փաստաթուղթ, որը հետո պահվելու է գործադիր իշխանության համապատասխան մարմնում:
Հետևեք մեզ նաև Telegram-ում