Ես Ձեզ նման թուլամորթի պես ճանապարհի կեսից դուրս չեմ եկել, ես մարտիկ եմ. Հ. Նաղդալյանը՝ Լ. Զուրաբյանին (տեսանյութ)

«Ես, պարո՛ն Զուրաբյան, պետք է Ձեր նման անհեռատես և կարճաժամկետ խնդիրներ լուծող քայլեր անեի, որ գոհ լինեիք, որ Ձեր առաջարկներն ընդուներ պատվիրակությունը: Պատվիրակությունը քննարկեց Ձեր առաջարկը, և այն համարեց անհեռատես ու կարճաժամկետ, պահի խնդիրներ լուծող: Չի կարելի պահի խնդիրներ դնել լուծել: Պատվիրակությունը քննարկեց բոլորի կարծիքները և Ձեր առաջարկը համարեց անհեռատես, հաջողության չբերող»,– Ազգային ժողովում ԱԺ փոխնախագահ, ԵԽԽՎ հայաստանյան պատվիրակության ղեկավար Հերմինե Նաղդալյանն արձագանքեց «Հայ ազգային կոնգրես» խմբակցության ղեկավար Լևոն Զուրաբյանի՝ իրեն ուղղված քննադատությանը, թե նրա ելույթի պատճառով է ԵԽԽՎ-ում ընդունվել ադրբեջանամետ փաստաթուղթ: