Լիբանանյան բանակը կանխել է ահաբեկչական խմբավորումների հարձակումը
Նմանատիպ
Լիբանանյան բանակը կանխել է ահաբեկչական խմբավորումների` իր տարածք ներթափանցելու փորձը Ուադի Ռաֆիկ շրջանում՝ օգտագործելով ծանր հրետանի և ռումբեր: Ահաբեկիչները ստիպված նահանջել են:
Ինչպես հաղորդում է «Արմենպրես»-ը՝ վկայակոչելով Լիբանանի ազգային տեղեկատվական գործակալությունը, բանակը գործողություններ է ծավալել Ռաս Բաալբեքի և Արսալի շրջաններում՝ փորձելով գտնել զենքեր և ռումբեր: Նշված շրջաններում նաև սիրիացիներ են բնակվում:
Բանակը շարունակում է Ռաս Բաալբեք բարձունքներում և Ուադ Հմայիդում ռմբակոծել զինված խմբավորումների ուղղությամբ:
Արսալի լեռնային շրջաններում բանակը զինյալներին պատկանող զենքեր և թմրադեղեր է հայտնաբերել:
Ավելի վաղ սիրիա-լիբանանյան սահմանի մոտ գտնվող Արսալի շրջանում փետրվարի 26-ին լիբանանյան բանակի և զինված խմբավորումների միջև տեղի ունեցած բախումների հետևանքով բանակի 4 զինվոր և մեկ սպա են վիրավորվել:
Սիրիական հակամարտության շուրջ 4 տարում սիրիա-լիբանանյան սահմանամերձ տարածքներում հաճախակի բախումներ են ընթանում: Լիբանանն ամրապնդել է իր ուժերը սահմանին՝ փորձելով խուսափել ԻՊ-ի հնարավոր ներխուժումներից:
Հետևեք մեզ նաև Telegram-ում