Բերքաշատ գյուղում օծվել է նորակառույց Սբ. Խաչ եկեղեցին
Նմանատիպ
Օգոստոսի 25-ին Արմավիրի մարզի Բերքաշատ գյուղում նախագահությամբ Արմավիրի թեմի առաջնորդ Տ. Սիոն եպիսկոպոս Ադամյանի, մասնակցությամբ Ուկրանիայի հայոց թեմի առաջնորդ Տ. Գրիգորիս արքեպիսկոպոս Բունիաթյանի, Մայր Աթոռի միաբան Արսեն արքեպիսկոպոս Բերբերյանի և Արմավիրի թեմի հոգևոր դասի կատարվեց նորակառույց Սբ. Խաչ եկեղեցու օծման արարողությունը:
Եկեղեցու օծմանը ներկա էին եկեղեցու բարերար՝ կիևաբնակ Խաչատուր Խաչատրյանը, համայնքապետ Հարություն Չվչյանը, հարակից համայնքների ղեկավարները, բարերարի որդիները և համագյուղացիներ:
Եկեղեցու օծման արարողությունը սկսվեց «Դռնբացեքի» արարողությամբ, այնուհետև օծվեցին եկեղեցու 16 սյուները, Սբ. Խորանը, Մկրտության ավազանը և սրբապատկերները:
Արարողության ավարտին նորակառույց եկեղեցում կատարվեց առաջին Մկրտությունը: Մկրտվեց եկեղեցու բարերարի որդին՝ Արտյոմ Խաչատրյանը՝ օրինակ հանդիսանալով համագյուղացիների համար:
Եկեղեցու ճարտարապետն է Խաչիկ Դանիելյանը, ով հանդիսանում է Մեծամոր քաղաքի Սբ. Ղազար եկեղեցու ճարտարապետը:
Հետևեք մեզ նաև Telegram-ում