Եթե ճիշտ աշխատենք ՀՆԱ-ի մեջ գյուղատնտեսության բաժինը 2.2 մլրդ.-ից 3-ի կհասցնենք. Խաչատուր Սուքիասյան (տեսանյութ)

«Բոլոր ժամանակներում պետք է ստեղծել նյութական, հավելյալ արժեք, եթե դա չենք ստեղծում, միշտ մեր ազգային դրամը կունենա խնդիրներ»,- Հանրային հեռուստաընկերության «Հարցազրույց» հաղորդման ժամանակ ասել է «Սիլ» կոնցեռնի հիմնադիր, գործարար Խաչատուր Սուքիասյանը:

Այս համատեքստում անդրադառնալով հարևան Ադրբեջանին,  նկատել է, որ Ադրբեջանի արտահանման ծավալների 85 տոկոսը բաժին է ընկնում նավթին և գազին: Ըստ նրա՝ Ադրբեջանի  ընդհանուր համախառն արդյունքում մոտը 60 տոկոսը կազմում է նավթն ու գազը:

Վերադառնալով  Հայաստանին, մասնավորապես՝ վարկային միջոցների ներգրավմանը և բիզնես միջավայրի զարգացմանը,   գործարարը նշեց, որ 2009-ին վարկային պորտֆելը եղել է 712 միլիարդ, իսկ այսօր՝ 2014-ին,  2 տրիլիոն 120 միլիարդ է:

«Պատկերացնո՞ւմ եք ինչ աճ է եղել 2009-ից հետո: Էդ գումարները գնացել են  բիզնես նպատակներով, գործունեություն ծավալելու նպատակով: Դրանք բոլորն իրավաբանական կարգավիճակ ունեցող կառույցներն են ձեռք բերել: Հայաստանը շատ լուրջ հնարավորություններ, ռեսուրսներ ունի, օրինակ՝ գյուղատնտեսությունը, ՀՆԱ-ի մեջ 2.2 միլիարդ է, բայց իմ խորը համոզմամբ, եթե կազմակերպենք ճիշտ այդ աշխատանքները, ապա կարճ ժամանակամիջոցում մինչև 3 միլիարդի կհասնի»,-շեշտեց Խաչատուր Սուքիասյանը:

Գործարարն անդրադարձել է նաև կոշիկի արտադրության հայկական ավանդույթներին և գրանցած հաջողություններին: