Էդ.Շարմազանով. «Ադրբեջանում պետական մակարդակով խրախուսվում է հայատյացության և ֆաշիզմի քաղաքականությունը»
31/08/2012 16:29
Նմանատիպ
ՀՀ ԱԺ փոխնախագահ, ՀՀԿ խոսնակ Էդուարդ Շարմազանովը մեկնաբանել է ադրբեջանցի ոճրագործ Ռամիլ Սաֆարովի՝ Ադրբեջան արըտահանձնելու մասին փաստը:
«Հանցագործ Ռամիլ Սաֆարովին Ադրբեջանին արտահանձնելու հունգարական իշխանությունների քայլն առնվազն տարակուսանք եւ վրդովմունք է առաջացնում, քանի որ պարզ էր, թե Ադրբեջանում ինչ էր սպասվելու այդ մարդասպանին:
Իսկ ինչ վերաբերում է նրան ներում շնորհելու Ալիեւի որոշմանը, ապա այս քայլը եւս մեկ անգամ ապացուցում է, որ Ադրբեջանում պետական մակարդակով իրականացվում եւ խրախուսվում է հայատյացության եւ ֆաշիզմի քաղաքականություն: Կարծում եմ՝ այս մարդասպանին ներում շնորհելու Ադրբեջանի ապշեցուցիչ քայլը չպետք է անարձագանք մնա եւ դատապարտող գնահատականի արժանանա միջազգային հանրության կողմից»,- մասնավորապես ասել է Էդուարդ Շարմազանովը:
Հետևեք մեզ նաև Telegram-ում