Հարցվածների 21 տոկոսը տեղյակ չէ Հայոց ցեղասպանության 100-րդ տարելիցի կապակցությամբ անցկացվելիք միջոցառումներից (տեսանյութ)
Նմանատիպ
«Գելլափ Ինթերնեյշնլ ասոցիացիայի» հայաստանյան ներկայացուցչության անցկացրած սոցհարցման արդյունքում պարզվել է, որ Հայաստանի 1500 բնակչի 47 տոկոսը տեղյակ չէ Հայոց ցեղասպանության 100-րդ տարելիցին ընդառաջ ստեղծված կառավարական հանձնաժողովից, որը նախաձեռնել է ﬕջոցառումների շարք: Հարցվածների 21 տոկոսն ընդհանրապես տեղեկացված չէ, թե ինչպիսի միջոցառումներ են անցկացվելու Հայոց ցեղասպանության 100-րդ տարելիցի առիթով, 38 տոկոսն էլ ցանկություն է հայտնել մասնակցել Հայոց ցեղասպանության 100-րդ տարելիցի միջոցառումներին, թեպետ տեղյակ չէ ﬕջոցառումների ցանկին: Հարցին՝ այցելելո՞ւ եք ապրիլի 24-ին Ծիծեռնակաբերդ, հարցվածների 63 տոկոսը դրական պատասխան է տվել:
Այս մասին լրագրողների հետ հանդիպմանը տեղեկացրեց «Գելլափ Ինթերնեյշնլ ասոցիացիայի» հայաստանյան ներկայացուցչության տնօրեն Արամ Նավասարդյանը:
Հավելենք, որ հեռախոսային հարցումներն (CATI) իրականացվել են մարտի 2-14-ը:
Հետևեք մեզ նաև Telegram-ում
