Էրդողանը չի տեսնում, որ մենք մենակ չե՞նք. Թևան Պողոսյան (տեսանյութ)

«Սա ցույց է տալիս, թե Էրդողանի մտքի թռիչքն ինչքան կարող է լինել, որ Ցեղասպանության առիթով միջոցառման մասին նման բան ասի: Երկրորդ՝  Էրդողանը  չի տեսնում, որ  մենք մենակով  չե՞նք»,-լրագրողների հետ ճեպազրույցին շեշտեց «Ընդդեմ ցեղասպանության հանցագործության» գլոբալ համաժողովին մասնակցող  «Ժառանգություն» խմբակցության անդամ Թևան Պողոսյանը:

Իսկ այն, որ Թուրքիայի վարչապետ Դավութօղլուն մի  բովանդակության ուղերձ է հղում, իսկ նախագահը լրիվ այլ, պատգամավորը նկատեց, թե մեկը փորձում է դուր գալ աշխարհին, մյուսը  չի կարողանում զսպել զգացմունքները:

Times.am-ի դիտարկմանը, թե ինչպես պետք է իրեն դրսևորի, ինչ քայլեր պիտի ձեռնարկի հայկական կողմն ապրիլ 24-ից հետո, ի վերջո, Հայկական հարցում հաջողությունները ենթադրում են մեծ պատասխանատվություն և լուրջ աշխատանք, Թևան Պողոսյանն արձագանքեց. «Կառուցելու ենք հզոր  Հայաստան»: Այնուհետ լրացրեց, թե դրա հետ մեկտեղ պետք է հասնենք Հայոց Ցեղասպանության հետևանքների վերացմանն ու վնասների  փոխհատուցմանը,  որոշ  երկրների դեպքում՝  ճանաչմանն ու դատապարտմանը: