«Հրապարակ». Արա Աբրահամյանի քաղաքական ամբիցիաներն ու Հայաստանում կուսակցություն ստեղծելու միտքը
Նմանատիպ
«Այսօր կրկին Հայաստան կժամանի «ալամ աշխարհի» հայերի միության նախագահ Արա Աբրահամյանը: Այս անգամ ևս «ընտանեկան» առիթով, ամուսնանում է նրա միակ քրոջ դուստրը: Աբրահամյանի այցերը Հայաստան միայն արտաքուստ են «մասնավոր», մեր ռուսական աղբյուրների փոխանցմամբ՝ Արան, ինչպես 2003-ին, այժմ էլ լուրջ ամբիցիաներ ունի իր քաղաքական ապագայի առնչությամբ:
Հիշեցնենք, որ 2003-ին նրա ամբիցիաները դուր չեկան Ռոբերտ Քոչարյանին, և վերջինս Արայի ձեռքից վերցրած ՀՀ անձնագիրը մինչ այժմ չի վերադարձրել նրան: Դրա արդյունքում էլ Արա Արշավիրովիչին իր թևի տակ «քաշեց» Սերժ Ազատիչը: Սպասվող քաղաքական զարգացումներում ևս Արշավիրովիչն «անմասն» չի ուզում մնալ, նա, որոշ տեղեկություններով, դեմ է սպասվելիք սահմանադրական փոփոխություններին, և չի բացառվում, որ Հայաստանում կուսակցություն ստեղծի՝ ինչ-որ կուսակցության «բազայի» հենքի վրա, և ընտանիքով տեղափոխվի Հայաստան՝ մշտական բնակության»,–գրում է թերթը։
Մանրամասները՝ թերթի այսօրվա համարում։
Հետևեք մեզ նաև Telegram-ում