Բաքու 2015. Մաքսիմ Մանուկյանը դուրս եկավ կիսաեզրափակիչ

Բաքվում ընթացող առաջին Եվրոպական խաղերի մրցումային երկրորդ օրը պայքարի դուրս եկած հայ ըմբիշներից Մաքսիմ Մանուկյանը դուրս եկավ կիսաեզրափակիչ:

85 կգ քաշային կարգում հանդես եկող Մաքսիմ Մանուկյանը պայքարը սկսեց որակավորման փուլից, որտեղ 8:1 հաշվով վստահ հաղթանակ տարավ Չեխիան ներկայացնող Արթուր Օմարովի նկատմամբ: 1/8 եզրափակչում Մաքսիմի մրցակիցը Ադրբեջանը ներկայացնող Սաման Թամաշեբին էր, ում նկատմամբ մեր ըմբիշն առավելության հասավ 9:0` հաշվով գոտեմարտն ավարտելով ժամանակից շուտ:

Քառորդ եզրափակչում Մաքսիմի մրցակիցը Լիտվան ներկայացնող Ալեքսանդր Կազակևիչն էր: Գոտեմարտը անցավ հավասար պայքարում և ավարտվեց 5:5 հաշվով, սակայն մեր ըմբիշի կատարած հնարքը ավելի բարձ էր գնահատվում, հաղթանակը շնորհվեց նրան: Կիսաեզրափակչում Մաքսիմի մրցակիցը կլինի Ուկրանինան ներկայացնող Ժան Բելենյուկը:

Հիշեցնենք, որ կիսաեզրափակիչ է դուրս եկել նաև Միհրան Հարությունյանը, ում մրցակիցը լինելու է Ադրբեջանի ներկայացուցիչը: