Լիբանանում ՀՀ դեսպանն այցելել է Զահլեի և Բեքաայի հույն կաթողիկե համայնքի առաջնորդին
Նմանատիպ
Լիբանանում Հայաստանի դեսպան Աշոտ Քոչարյանն այցելել է Զահլեի և Բեքաայի հույն կաթողիկե համայնքի առաջնորդ Իսամ Եուհաննա Տարուիշ եպիսկոպոսին: Նրան ընկերակցել է Զահլեի գործարարներից Նիկոլա Աբու Ֆայսալը:
Այս մասին «Արմենպրես»-ը տեղեկացավ Լիբանի «Ազդակ» հայկական օրաթերթից: Հանդիպման ընթացքում քննարկվել են երկկողմանի հարաբերությունները և դրանց ամրապնդումը վերջին տարիների ընթացքում:
Դեսպան Քոչարյանը բարձր է գնահատել Հայաստանում կատարված լիբանանյան ներդրումները, հատկապես Նիկոլա Աբու Ֆայսալի հաջողված ներդրումային ծրագրերը, որոնց շրջանակներում Տարուիշ եպիսկոպոսը վերջերս այցելել է Հայաստան:
Իր հերթին Տարուիշ եպիսկոպոսը ողջունել է դեսպան Քոչարյանին և ուրախությամբ հայտնել Հայաստան կատարած իր այցելության և ժողովրդի հետ ծանոթանալու մասին:
Նա կոչ է ուղղել լիբանանցիներին ներդրումներ կատարել Հայաստանում և ամրապնդել հայ-լիբանանյան հարաբերությունները:
Հետևեք մեզ նաև Telegram-ում