«Ոստիկանությունը կվերականգնի լրագրողներին պատճառված նյութական վնասները». Վլադիմիր Գասպարյան

«Ոստիկանությունը շատ երկար հանդուրժողականություն է ցուցաբերել, իսկ թողնել կենտրոնական փողոցը ևս մեկ օր փակ վիճակում, դա այլոց իրավունքների ոտնահարում է: Եթե մենք ուզում ենք օրինականություն հաստատել, անօրինական ճանապարհով դա պետք է չանենք»,- «Գալա» հեռուստաընկերության թղթակցի հետ զրույցում, անդրադառնալով երեկ Բաղրամյան պողոտայի սկզբնամասում ոստիկանության աշխատակիցների և ցուցարարների միջև տեղի ունեցած միջադեպին, հայտարարեց ոստիկանապետ Վլադիմիր Գասպարյանը:

Ոստիկանապետը ներողություն հայտնեց լրագրողների հանդեպ կիրառված բռնության համար՝ նշելով, որ ծառայողական քննությունը կարճ ժամանակում կբացահայտի կատարվածը:

«Կան որոշակի թերություններ, որ ես տեսել եմ աշխատանքի մեջ, հատկապես՝ լրատվամիջոցների ներկայացուցիչների հետ կապված: Հայցում եմ իմ ներողամտությունը: Ծառայողական քննություն ենք նշանակել, մենք դա կկարգավորենք: Գիտեմ, որ կոտրվել են տեխնիկական միջոցներ, ոստիկանությունը կվերականգնի լրագրողներին պատճառված նյութական վնասները»,-ասաց ոստիկանապետը՝ միաժամանակ հավելելով, որ իրենք չեն հանդուրժի դեպքեր, երբ ոստիկանի լավ աշխատանքը փորձեն փչացնել ոչ ճիշտ գործողություններով